Amawulire

Abalamuzi Bawadde Gavumenti Ssalessale Okwediima

KAMPALA

Bya Ruth Anderah

Abalamuzi nabo bavuddeyo nebawa gavumenti salesale wa mwezi gumu, okutuuka ngennaku zomwezi 23 omwezi ogujja ogwomunaana okuba nga babangozza emisaala nga baweze nga bwebagenda okussa wansi ebikola.

Bino bitukiddwako mu lukiiko lwabalamuzi olwawamu olutudde akawungeezi akayise.

Abalamuzi mu kibiina kyabwe ekibagatta ekya Uganda Judicial officers Association batudde ku kooti enkulu mu Kampala nebasalawo bwebati, obutesalamu.

Bano ababadde bawera 185 okuli abalamuzi ba kooti enkulu, abazzi kooti ento nabawandiisi ba kooti basazeewo obutalinnya kigere ku irimu gavumenti bwenaaba tekoze ku nsonga zaabwe.

Bagambye ssi bakuwuliriza, kusaba kwonna okuva ewa minister owamateeka ne ssiga eddamuzi kulwa gavumenti Gen Kahinda Otaffire, ngono yabadde abasabye balindeko okumala emyezi 3 nga bwegwali ku bawaabi ba gavumenti nti emisaala gyabwe lwejinayongezebwa.

Minister abadde asabye bamuweeyo akadde, asooke eyanjule ebbago erikwata kubyemisaala gyabakozi be ssiga eddamuzi erya Administration of Justice Bill  limale okwanjulwa mu palamenti.

Ebbago lino lisaba essiga eddamuzi okukutulwa ku ministry yabakozi, bbo babeere nga besalirawo kun kola yemirimu nensasulwa.

Bino byonn abalamuzi babigaanye, okubuwuliriza nebalangirira nti webasibidde weewo.

Bano bagala ssabalamuzi asasulwenga obukadde 55 buli mwezi, ate omulamuzi asembayo nga ku ddaal eryokubiri asasulwenga obukadde 12 nemitwalo 60 eza  shillings buli mwezi.

Bino webijidde nga nabawaabi ba gavumenti bakajja batuuke ku kukaanya, bwebasazeewo okudda ku mirimu okuva mu kediimo kebabaddemu nga babanja okubongeza emisaala.

Bano gavumenti yasubizza okubakolako mu myezi 3 gyokka.