Amawulire

Abayiira minisita Otafiire amazzi bamwetondedde

Bya Judith Atim

Ab’ekibiina ekigatta ba ssentebe ba zi disitulikiti ezenjawulo ekya  Uganda Local Governments Association bafulumizza ekiwandiiko nebetonda olwabamu ku ba memba baabwe abayiira minisita akola ku nsonga za ssemateeka Maj General Kahinda Otafiire amazzi yenna najojobana.

Bano Otafiire baamutabukira ku lwomukaaga ku kisaawe kye Namboole Minisita nebamuyiira amazzi nga abamu bamulumiriza nti yetumikkirizza kubanga ssi gwebaali basuubira okwogerako gyebali.

Kati mu kiwandiiko eteereddwako ssentebe waabwe omukono George Mutabaazi,ba ssentebe bano betondedde minisita era neyegaana ebigambibwa nti olukungaana luno lwali luyitiddwa kuteesa ku kyakujja kkomo ku myaka gy’omukulembeze w’eggwanga.

Bbo bagamba nti tebekubira ku bibiina mu mpeereza y’emirimu kale nga byonna ebiyitingana biboozi byakumwenge.