Amawulire
Bassentebe e Mukono babanja
Bya Ivan Ssenabulya
Ba ssentebe b’amagombolola e 15 agakola district ye Mukono bagumbye ku kitebbe kya district ye Mukono, okuva akawungeezi akayise okubanja ensimbi eziddukanya amagombolola zebagamba nti tezinabweebwa songa omwaka gwebyensimbi gugenda kuggwako.
Bano nga bakulembeddwamu ssentebe ggombolola ye Kasawo, Badru Kafumbe bategezezza nti bamanyiiko nti ensimbi zino eziva waggulu mu gavumenti zajja dda naye zikyalemedde ku district.
Kati bano babadde bagala kulaba akulira abakozi, George Ntulume wabula nebatamulaba.
Bagambye nti bwebatayise mbalirira banaaba bamenye amateeka era eggombolola zinaaba zolekedde okugwa.
Wabula oluvanyuma bwetutukiriddeko George Ntulume agaamnye okwogera nabamawulire.