Amawulire

E masaka e nsimbi z’obukuumi President aziweze.

Bya Getrude Mutyaba.

E masaka Omukulembeze w’eggwanga Yoweri Kaguta Museveni ayimirizza enkola y’okusolooza ensimbi ku bantu saako n’okuteekawo abakuuma ebyalo.

Bino bibadde mu bubaka bwe bw’atisse Minister Omubeezi avunanyizibwa ku nsonga z’omunda mu ggwanga Obiga Mario Kania .

Minister Kania asinzidde mu lukiiko olw’etabiddwamu abakulembeze ba zi district za greater Masaka saako n’abebyokwerinda mu Bukomansimbi town council n’agamba nti abakulembeze ky’ebakola eky’okusolooza ensimbi ku bantu kikyamu.

Ono ategeezezza nti nga gavumenti, bali mukulaba nti batetenkanya okuteekawo ekiyinza okuyamba ku mbeera eriwo mu bitundu bya greater Masaka so si kusolooza nsimbi saako okuteekawo abantu abatamanyiddwa mu byakwerinda.

Kinajjukirwa nti abakulembeze ba district ye Lwengo ne Bukomansimbi baasalawo buli muntu okusasula ensimbi shs 1000 nga zaakuyambako kusasula bantu abanaabakuuma.

Wabula abakulembeze nga bakulembeddwamu Sentebe wa Bukomansimbi Muhammad Kateregga kino bakiwakanyizza