Amawulire

Eyali akulira abasawo ejiddwaako ogw’amayisa

File Photo: Kooti Enkulu eya Uganda

Eyali ssentebe w’ekibiina akigatta abasawo mu ggwanga  Apollo Dalton Nyangasi awonye okufiira mu kkomera oluvanyuma lwa kkooti ejulirwaamu okumusalira ku kibonerezo ky’okusibwa amayisa nga kati wakusibwa emyaka 25.

Kkooti enkulu y’ali emusibye mayisa olw’okusingisibwa omusango gw’okutta mukyalawe Christine Dambio  nga 24 July 2010.

Obujulizi bw’alaga nga Nyagasi bweyatuga mukyalawe nga bakayanira eby’obugagga n’okuvaayo kw’omwana ow’emyaka 14 eyazalibwa wabweru w’obufumbo.

Wabula  Nyangasi yewozaako nga mukyalawe bweyafa ekirwadde kya  pneumonia.

Wabula abalamuzi 3 aba kkooti ejulirwamu nga bakulembeddwamu  Augustine Nshimye bino babisambazze naye nebakkiriziganya naye nti ddala ekibonerezo kino kyali kikakali.