Amawulire

Eyawa Poliisi Obulimba mu Bubbi Bwe’Momotoka Bamukutte

Bya Ivan Ssenabulya

Poliisi e Mukono ekutte agambibwa okubeera Omubbi we mmotoka.

Omukwate nga mutuuze we Ngandu mu munisipaali eye mukono, poliisi erudde ngemulinnya akagere, oluvanyuma lwokumutebereza nti mubi.

Omuddumizi wa poliisi e Mukono Rogers Sseguya ategezezza nti omukwate yasooka kuloopa mukozi we kavuma Joseph nga bwabbye mmotoka ye, kika Nadia era omusango nga guli mu kooti.

Wabula Kavuma bweyafuna okweyimirirwa natandika okulondoola mukama we,  Oluvanyuma lwokumwekengera.

Ono ngali wamu ne poliisi bakizudde nti omukwate abadde alina emmotoka zabaddenga akyusakyusa namba plate nga ne gyeyali alumiriza omukozi we okubba nayo mweli.

Poliisi etegezezza ngono bwaguddwako omusango gwokubeera ne mmotoka eziteberezebwa okubeera enzibe ate nokuwa poliisi amawulire agobulimba.