Amawulire

Kampala ekyali District

Bya Ruth Anderah

Kooti eya ssemateeka olwaleero eramudde nti ekibuga Kampala kikyatwalibwa nga District.

Abalamuzi okubadde Steven Kavuma, Richard Buteera, Solomy Bossa, Cheborion Barishaki ne Paul Mugamba, balamudde obutesalamu ku musango gwa munna FDC, omubaka wa Kampala Nabilah Nagayi Ssempala.

Okusinziira ku nyukakyuka ezakolebwa, Kampala yasumisibwa okudda ku mutendera gwekibuga oba Capital city wabula newasigalawo ebiffo ebyaliko akabuuzo.

Bano ebimu ku byebsegamyeko, kwekuba nti Kampala yasigaza amasaza ga palamenti 7 nga bwegwali era ku district.

Ennamula eno esomeddwa omuwandiisi wa kooti Taddeo Asiimwe.

Alex Odonga omulonzi mu Kampala yeyali yaddukira mu kooti ngawakanya okulondebwa kwomubaka omukyala Nabilah Nagayi Ssempala nti ekibuga tekirina kubeera na mubaka mukyala, kuba tekyali district.

Abalamuzi bagambye nti tekiba kya bwenkanya bann-Kampala okbajjako omukisa naddala abakyala okukirirwa.

Kati omusango bagugobye.