Amawulire

Museveni tannaba kukakasa ku dibeeti

File photo: Abesimbyewo nga bakuntana

Dr. Shaka Ssali, Dr Joel Kibazo ne Dr. Suzie Muwanga beebagenda okukubiriza okukubaganya ebirowoozo okutegekeddwa eri abesimbyeewo ku bukulembeze bw’eggwanga.

Shaka Ssali munnayuganda kyokka ng’akubiriza pulogulaamu ya Straight Talk Africa mu America.

Dr Kibazo y’atwala ebyempuliziganya mu banka ya Africa eya Africa Development Bank ate Dr Muwanga y’atwala ebyobufuzi ku ttendekero ly’abayivu e Makerere.

Bino bikakasiddwa mu Lukiiko lwa bannamawulire olubadde ku golf course hotel mu Kampala.

Wabula gakyaali matankane ku kya pulezidenti Museveni okwetaba mu kukubaganya ebirowoozo kuno.

Akulira olukiiko lw’abategese olukiiko luno, omulamuzi James Ogoola agamba nti wakyaliwo ebintu byebategeraganako n’abali mu NRM okulaba nti omuntu waabwe abaawo.

Ogoola wabula agambye nti abalala abesimbyeewo bakakasizza dda nga bwebaggya okwetaba mu nteekateeka eno.