Amawulire

Museveni y’asinga okukolebwaako amawulire- alipoota

File Photo: Museveni ,Mbabazi ne Besigye

Okunonyereza okukoleddwa kulaga nti pulezidenti Museveni y’asinze okwegazaanyiza ku mikutu gy’amawulire egy’ampappula , zireereetu ne terefayina

Bino bifulumizidde mu alipoota ekoleddwa ab’ekibiina kya African Centre for Media Excellence ku ngeri bannamawulire gyebakozeemu emirimu gyaabwe.

Museveni addibwaako Amama Mbabazi ate Dr Kiiza Besigye n’addako awo ku ky’okusatu.

Abafulumizza bino baloondodde emikutu gy’amawulire mu mwezi gwa January gwonna.

Museveni awandiikiddwaako nnyo mu mpappula z’amawulire , leediyo ne TV.

Wabula era kyeyolese nti amawulire agasinga mu Kampala gaayita ku leediyo ate nga mu byaalo, leediiyo zaakola kitono ku kulonda.

Mu mweiz gwa January era abesimbyeewo ku bukulembeze bw’eggwanga baakolebwaako nnyo amawulire okusinga abasimbyeewo okukiika mu palamenti.

Wabula era alipoota eraga nti abalala abesimbyeewo ku bukulembeze bw’eggwanga okuli Maureen Kyalya, Joseph Mabirizi, Rtd. Maj. Gen. Benon Biraro, Dr. Abed Bwanika ne Prof. Venansius Baryamureba nabo baakoleddwaako nnyo amawulire naddala oluvanyuma lw’okwetaba mu kukubaganya ebirowoozo.