Amawulire

Omusirikale Eyasse Omuntu e Ssemabule W’akutugibwa ku Kalabba

SSEMBABULE

Bya Malikh Fahad

Kooti yamagye eyatudde mu district ye Ssembaule, esindise omusirikale wa poliisi, Constable Canan Nkamuhabwa atugibwe ku kalabba olwokutta mutabani wa ssentebbe we ggombolola ye Lugusuulu mu ditsirct ye Ssembabule Paul Tumukunde owe’myaka 31, eyakubibwa amasasi mu bbaala ku Lwokuna lwa wiiki ewedde.

Ate Private Abel Katsigazi mu lutuula lwa kooti yamagye lwerumu, olubadde olwenjawulo asindikiddwa mu nkomyo okumala emyaka 40 yye Corporal Johnson Abasa nasibwa emyaka 15, nga bano basingisiddwa emisango gyokuyambako obutemu.

Kooti yamagye eyekbinja ekyobiri, ngekubirizibwa Lt. Col Moses Emeru yawadde ennamula eno mu kiro ekikesezza olwaleero ku ssaawa 4 nekitundu, nga besigamye ku bajulizi 6 abaleteddwa oludda oluwaabi, bonna nebalumiriza abavunanwa obutemu.

Wabula mu kwewozaako, Nkamuhabwa yategezezza nti basindikibwa okukwata omugenzi naye newabalukawo olutalo, ekyamuwaliriza okukuba amasasi wabula mu butanwa.

Ssentebbe wa kooti eno bwabadde awa ennamula ye, ategezezza nti bano tebayolesa bukugu obwabatendekebwa nebatuuka okutta omuntu wabulijjo atalina yadde ekyokulwanyisa.

Kati kooti ya’magye eragaidde abavunanwa batwalibwe mu kkomera e Luzira gyebagenda okukolera obusibe.