Amawulire

Omuwala omulala atiddwa mu bukambwe

Bya Shamim Nateebwa.

Omuwala omulala attiddwa mu bukambwe oluvannyuma lw’okusobezebwako era n’afumitibwa ebitti mu mbuggo ne mu kabina.

Attiddwa mu bukambwe ye Rossette Nakimuli, omutuuze we kitala mu tawuni kanso e Katabi mu kiro ekikeseza olwaleero era omulambo gwe negusulibwa mu nnimiro ya muwogo n’ebitooke.

Omuvubuka abadde agenda okulima y’asoose okulaba omulambo guno nakuba enduulu esombodde abatuuze .

Nakimuli awezeza omuwala owokutaano atiddwa mu ngeri bweti mubbanga lya mwezi gumu nekitundu ng’ate omuyizi wa airforce secondary yatiddwa mungeri yeemu.

Poliisi ng’ekulembeddwa Siraje Bakaleke etuuse mu kitundu n’egumya abooluganda lw’omugenzi.

Bakaleke ategeezeza nti batandise okukola okunoonyereza okuzuulwa ettemu lino kwe liva n’agumya abantu mbu embeera bajja kugikakanya.

Wabula bbo abatuuze abalabise nga batidde nnyo bategeezezza nti poliisi buli kiseera ewoza enoonyereza kyokka gye biggweera nga muntu n’omu akwatiddwa.