Amawulire
omwana akubiddwa n’azirika lwakubba nva
Bya Abubaker Kirunda
Poliisi ye Kamuli eriko omukazi ow’emyaka 27 gwekutte lwakukuba muwalawe ow’emyaka 3 n’azirika lwakubba nva za binyeebwa.
Lukia Kawuma omutuuze mu zooni ye Bulondo zone mu disitulikiti ye Kamuli y’akwatiddwa olwokubonereza obubi omwana nti y’akutte mu nva.
Omwogezi wa poliisi mu Bisoga East Michael Kasadha agamba maama y’avudde mu mbeera lwa mwana kukwata mu nva zebaabadde baterekedde taata .
Nakampaati wa maama ono mu busungu obwekitalo y’akutte oguyinja n’atandika okuggunda omwana ku mutwe n’mubiri gwonna n’amuleetako obuvune.
Kasadha agamba omukazi ono baakamuggulako gwakulumya Muntu naye nga basuubira okumuggulako emisango emirala.