Amawulire

Poliisi ekutte aba taxi 30 mu kulwanagana okubaddewo

Bya Ritah kemigisa

Abagoba ba taxi amakumi 30 bebakwatiddwa poliisi wano mu Kampala oluvanyuma lwokulwanagana okubadde mu paaka ya taxi Enkadde abekitongole kya KCCA, abakwasisa amateeka bwebabadde mu kikwekweto kyokubowa mmotoka ezibadde zitasasula ebisale ebya buli mwezi.

Abagoba ba taxi bubefuse naba KCCA, nga bawakanya ekyokubakwata.

Omuddumizi wa poliisi mu masekati ga Kampala, Joseph Bakaleke, ayungudde basajja be abakozesezza ku miggo wakati munkuzza emebeera mu nteeko.

Bakaleke wabula ategezeza nti mu bamu ku bakwatiddwa kubaddeko nagavubuka awamattuse e Nankulabye, Katwe ne Makerere okugotaanya aba KCCA, songa abamu era tebabadde bagoba ba taxi.

Wabula abagoba ba taxi bagamba nti mu July womwaka guno, omukulembeze we gwanga yayimiriza omusolo guno, n’abagamba nti gufuuke gwabuli mwaka – kyoka KCCA kyegaanye okusaamu ekitiibwa.