Amawulire

Sipiika kadaaga agobye ebisiyaga mu Africa.

Bya samuel ssebuliba.

Ababaka ba parliament za Africa abaagenda okwetaba nebanaabwe  mulukungana lwa parliament yensi yonna eya inter parliament union bakaladde nebagaana okuteesa kubikwatana n’ebisiyaga.

Kino ekiteeso kibadde kireteddwa akakiiko ka parliament eno akakola ku dembe ly’obuntu, kyoka bino speaker wa parliament ya uganda , Rebecca Kadaga, olubiwulidde n’atabuka ,nagamba bakikomye oba sikyo ye nebanne abava mu Africa bagenda kufuluma.

Bano mubwangu beegatidwako ne banaabwe abalala okuva mu mawanga ga Buwarabu, kko n’amalala ag’abasiramu, gy’ebigweredde nga ekiteeso kigudde butaka.

Bano bagamba nti newankubadde bali wansi w’omukago ogugatta parliament zensi yonna, naye tebayinza kutunda nono, kko n’obuwangwa bwa Africa.