Olwali
Alidde bbi mu bantu
Omusajja avunaanibwa okubba banka akimazeeko omulamuzi bw’ajjeemu empale neyeyambira mu kkooti n’oluvanyuma obubi bwe n’abulya Mu kutya omulamuzi ayimirizza kkooti okumala akabanga. Bino bibadde mu ggwanga lya California ng’omusajja omunaanibwa agambibwa okubaamu Katwe wungu.
Azaaliddwa ne namba 12 mu kyenyi
Waliwo omwana azaaliddwa ne nnamba 12 ng’emwetimbye mu kyenyi Omwana ayogerwaako azaalidwa mu ggwanga lya South Africa mu kibuga Johanesburg nga n’abasawo tebannaba kutegeera kivuddeko mbeera eno Ekyewunyisa nti omwana ono ali bulungi ddala nga talina yadde bulwadde
Bamukyaaye lwa bifananyi
Omu ku bannabyabufuzi mu ggwanga lya Ukraine akyaaye mukyala we lwa bifananyi by’amuwerezza okumusikiriza Karen yekubisizza ebifananyi nga yeemolera ku motoka ye era n’ebimu n’abissa ku kitimba Omusajja ono ensonga azituusizza mu kkooti ng’ayagala babawuule nga mukyala we amulanga kumuswaza
Gwebakubye empiso okufuna akabina afudde
Omukyala agenze okumukuba empiso egezza akabina omulundi ogw’okuna afudde bufi Reid ow’emyaka 34 ng’abadde mutuuze mu Dallas Texas agenze mu saluuni bulijjo mw’alaga okwongera ku kabina ke Bannyini saluuni eno olulabye nga bitabuse nebadduka kyokka nga babbye essimu ye ne wallet ye.
Bamusibidde mu keesi
Kakati abantu abagaala abantu baabwe bbo bakyaliwo Waliwo omusajja enzaalwa ya bufaransa agezezzaako okukusa mukyala we okumuyingiza amawanga ga bulaaya. Omusajja ono nga mukyala we nzaalwa ye Russia, amupakidde mu keesi n’akunnumba Abasirikale abalengedde amagulu g’omukyala nga galingiza beebamuyimirizza era okuggulawo, omukyala n’abuukamu
Beeyambudde kutunda kkampuni
Mu kibuga Newyork, kkampuni ebadde ekyuusa erinnya esazeewo kukikola ng’abagikulira bonna beyambula nebasigala buswa olwo nebasimab enkalala okutunda erinnya eppya Bano banoonyezza engeri gyebayinza okutunda erinnya eppya nga tebagiraba kwekusalawo owkeyambula Wabula tebibadde byangu, anti abakozi bamaze ebbanga nga bakola exercise okusobola okulabika obulungi nga […]
Kkapa emukubye empi
Mu ssaza lye Tenesse erya America, kkapa epakyizza omukyala empi lwakugezaako kujogeeza Omukyala ono abadde akozesa tekinologiya ow’omulembe okumanya olulimi lwa kkapa nga naye bw’agiddamu Mu kuddamu omukyala ono alabika anyizizza kkapa kwekumukuba
Afukidde enjuki ataawa
Omusajja afuse ku muzinga gw’enjuki alifa tazzeemu kukikola . Enjuki zino zimutabukidde okukkakkana nga zimulumye kamaanya Ono abadde mu motoka etambula nebayimirira okufuka. Enjuki zino nno z’atankudde tezikomye ku yye naye n’okulumba abalala ababadde bakyaamye mu nsiko. Bibadde mu Vietnam
Lwaki toyagala mukyala wo- sasula
Omusajja agambye mukyala we nti takyamwagala atanziddwa Kiddiridde omukyala okumuwaaba ng’agamba nti ekigambo kino kyamukubye wala era nekimuwa ebirowoozo bingi. Kkooti egambye nti kituufu omusajja yakoseza ebigambo ebikambwe ennyo ebyaleka mukyala we n’ebirowoozo kko n’okunyigirizibwa. Bino bibadde mu ggwanga lya Turkey.
beesazeeko obusajja okugenda mu ggulu
Mu ggwanga lya Australia, waliwo omusajja akakasizza basajja banne abalala 400 okwesalako ebitundu by’ekyama mbu lwebanagenda mu ggulu Omusajja ayogerwaako Ram Rahim Singh alina abagoberezi obukadde 50 era ng’azannya ne firimu Omusajja ono wetwogerera nga poliisi emunoonya