Ebyobusuubuzi

Embalirira ezunza ababaka emitwe

Nga eggwanga lyetegekera okusomebwa kw’embalirira y’eggwanga wiiki ejja, bannayuganda bangi bakyatakula emitwe nga tebagitegeera  bulungi.

Mu tteeka eppya embalirira y’eggwanga eyawuddwamu emirundi 2 nga esooka  ey’obusiriivu  16 zigenda okukozesebwa mu nkulakulanya ezijja nga era zezigenda okuyisibwa palamenti.

Obusiriivu   7.9  zakulabirira  bitongole bya gavumenti ebyatondebwawo  mu mateeka nga zino palamenti ezimanyaako naye teziyisa .

Amyuka ssentebe w’akakiiko akakola ku mbalirira y’eggwanga  Amos Lugoolobi  agamba mu busiriivu 23.9 essira bagenda kuliteeka ku mbalirira y’obusiriivu 16 .

Ebimu ku bitongole bya gavumenti ebigenda okuganyulwa mu busiriivu 7.9 kuliko akakiiko akatekebwawo okulwanyisa siriimu, akakiiko akaddukanya palamenti wamu n’okusasula amabanja ga gavumenti.