Amawulire

Abe Nakasongola bakubye ku Matu- Poliisi ezuukuse

Abasumattuse akabenje ke Nakasongola olunaku lwajjo bajja bakuba ku matu

Abalwadde bano abawerera ddala 16 bajjiddwa mu ddwaliro e Nakasongola nebaddizibwa e Mulago olw’embeera embi gyebabaddemu

Omwogezi w’eddwaliro lye Mulago Enock Kusasira agambye nti abantu mukaaga beebasibuddwa nga munaana bbo bakyabajjanjaba

Kusaasira agamba nti babiri ku bano wabula bakyaali bubi ddala

Ng’obubenje ku nguudo bujja bweyongera, poliisi nayo ekyusizza enkola ng’ezizzaawo ebifo ebikebera emmotoka ezisaabaza abantu

Ebifo bino byakussibwa e Nsangi, Matugga, Kafu, Luweero ne Iganga

Kamisona akola ku ntambula y’ebidduka mu poliisi Steven Kasiima agambye nti baali bajjawo ebifo bino kubanga obubenje bwaali bukendedde naye kati kirabika abantu bazzeemu okulagajjala