Amawulire

Okulya enguzi kukyaali kungi- poliisi eremeddeko ku ntikko

Alipoota efulumiziddwa kaliisoliiso wa gavumenti eraga abantu bongera bwongezi okulya enguzi

Guno mulundi gwa kuna nga alipoota eno efuluma ng’eyolese era ensonga yeemu nti aba poliisi bakyakwata kisooka mu kulya enguzi

Ekitongole ekiramuzi kyekiddako awo ate nga bannaddiini beebasinga obutalya nguzi

Ng’afulumya alipoota eno, kaliisoliiso Irene Mulyagonja agambye nti omuwendo gw’abalya enguzi gweyongera bweyongezi okuva ku misangao enkumi bbiri okudda ku misango 2700 mu mwaka gwa 2013.

Abasinga okulya enguzi beebali mu gavumenti ez’ebitundu ng’eno emisnago 1700 gyeegyawaabwa

Mulyagonja agambye nti bafunye obuzibu mu kulwanyisa enguzi kubanga ensimbi balina ntono okutuuka mu buli katundu okulondoola ebiriyo

Bbo nno abali mu lutalo lw’okulwanyisa enguzi bagamba nti ekya kaliisoliiso obutatuuka buli wamu kyekireese obuzibu

Mu kadde kano wofiisi ya kaliisoliiso erina ofiisi mu bitundu 16 byokka mu disitulikiti 10 zokka ku distulikiti 112.

Akulira ekibiina kya Anti- Corruption Coalition Cissy Kagaba agamba nti abantu bangi beeganya okutambula okutuuka awali ofiisi zino okuwaaba emisango gubanga ziri wala.