Ebyobulamu

Okugema awamu tekutuuse

Okugema kwa poliyo okw’ekikungo okumaze ennaku ssatu mu ggwanga lyonna kukomekerezeddwa  nga waliwo disitulikiti ezitagemye baana bonna

Mu Butambala omukungu wa ssabasajja Jimmy Kamuli Ssali abadde mu kulondoola okugema kuno, agambye nti yadde nti wadde mu byaalo bye Butambala ne Gomba basobodde okumaliriza obulungi, mu bibuga si bwegubadde

Wabula yo mu disitulikiti ye Wakiso okwawukanako ne mu zi disitulikiti endala, waliyo ebitundu ebitalabye na k ubasawo olw’obungi bw’abantu nga mu gombolola ye Nabweru, Kira, Nsangi, Ssabagabo Makindye, Nansana Town Council n’awalala nga kino kivudde ku basawo ababade abatono.

Okusinziira ku akulira eby’obulamu mu disitulikiti  eno, Dr Emmanuel Mukisa, yadde nga disitulikiti  eno eriranye Kampala, olw’obutabaawo mpuliziganya emala, abantu bangi babatawanyizza nnyo era nebatuuka n’okubateekako ekifuba