Amawulire

KACITA esabye Gavt eyongere obukuumi mu kampala

Bya Prossy Kisakye,

Abasuubuzi bómu Kampala abegatira mu kibiina kya Kampala City Traders Association (KACITA) basabye gavt nábasuuzi bomu akeedi okwongera okunyweza ebyokwerinda ku milyango egiyingira e ebizimbe byonna mu kaseera kano nga abatuju besoma okukuba Uganda awaluma.

Kino kidiridde obulumbaganyi bwa boomu etegeddwa ku kiriiro kye nyama yembizzi Komamboga, ku lwomukaaga, omwafiiridde omuntu omu nábalala 3 ne balumizibwa.

Mu kwogerako ne bannamawulire ku yafeesi zabwe mu Kampala, Ssentebe wa KACITA Musoke Thadeus,alaze obwetaavu obwókwongera ku bukuumi ku miryango egiyingira akeedi okwewala ebiyinza okudirira.

Ono agamba nti nga bakulembeze balina okutya ku batundira ku nguudo zómu kampala abataliiko abakuba ku mukono nga abatujju bandyeyambisa omuwatwa guno okubaako kye bakola bannakampala.

Mungeri yemu asabye abasuubuzi nábayingira ekibuga okubaako bye bagula okuba abegendereza enyo ate bategeeze poliisi eri okumpi ku kwekengera kwebaba bafunye