Amawulire

Abamasomero e Kasese balagibwa okudamu okusomesa a Bayizi

Bya Rita Kemigisa,

Akulira ebyenjigiriza mu disitulikiti y’e Kasese, George Mayinja alagidde amasomero gonna mu kitundu kino okuggulwawo awatali kulemererwa olwaleero ng’awera okubonereza abo abanajeemera ekiragiro kino.

Kino kiddiridde amawulire okufuluma nti amasomero agawerako gaali gaggaddwa olw’obulumbaganyi obwakolebwa kussomero lya Llubiriha secondary school e Mpondwe abayekera ba ADF.

Obulumbaganyi buno bwaleesewo okutya mu bantu era amawulire galaga nti amasomero agamu gaali gasazeewo okuggala n’okusindika abayizi okudda eka.

Kyokka Mayinja asabye wabeewo obukkakkamu n’asaba abakulira amasomero baggulewo baddemu okusomesa abayizi.

Ono era asabye amasomero okuddamu okutandikawo obukiiko bw’ebyokwerinda by’amasomero n’okugaana abayizi okwogera ku bulumbaganyi bwa ADF.

Amasomero era gasabiddwa okupangisa abakuumi babiri omu akole emisana ate omulala mu kiro.