Amawulire

37 bebafiira mu bubenje mu gandaaro ly’amazuukira

Bya Ritah Kemigisa. Poliisi y’ebidduka etegeezezza ng’abantu 37 bebafiiriddwa obulamu mu bubenje obwaguddewo mu gandaalo ly’amazuukira elyakomekeredde olunaku lwa mande nga 10/04/2023.

Mu bano mwemuli n’aboluganda okuva mu nyumba 2 mwenda (09) bano nga batokomokedde mu kabenje akaagudde mu district y’e Lwengo ku lunaku lwa good Friday.

Ayogerera Poliisi y’ebidduka Faridah Nampiima ategeezezza olukiiko lwa bannamawulire olwa buli sabiiti e Naguru nga  omugatte gw’obubenje 76 bwebwawandiisibwa wakati wa nga 7/04-10/4 nga ku buno 28 bwebaafiilamu abantu, 40 bwali bukambwe naye nga tebwatta bantu ate 08 bwali butonotono.