Amawulire

Ababaka badde mu palamenti- Kkooti

Kkooti ey’okuntikko mu ggwanga eragidde nti ababaka abana abaagobwa mu kibiina baddeyo mu palamenti.

Abalamuzi abataano abatuula mu kkooti eno nga bakulirwa Stella Arach Amoko bagambye nti bafunye obukakafu obulaga nti ababaka bano bawaayo okujulira kwaabwe mu kkooti yeemu kale nga balina okuweebwa akadde.

Abalamuzi era bagambye nti bamaze n’okussaawo olunaku lw’okuwulirako okujulira kw’ababaka nga 28^th omwezi guno nga bakulinda ebinava mu musnago guno.

Balagidde nti ebyasalibwaawo kkooti etaputa ssemateeka bigira birindako okussibwa mu nkola okutuusa nga bakoze okusalawo okwenkomeredde ku nsonga z’ababaka bano.

Ababaka aboogerwaako ye Mohammed Nsereko owa Kampala mu masekkati, Wilfred Niwagaba owe Ndorwa East, Barnabas Tinkasimire owa Buyaga ne Theodre Ssekikubo owa Lwemiyaga.

Bino bizze ng’akakiiko akalondesa kakalangira nti okulonda okujjuza ebifo by’abano kwakubaawo nga 17^th omwezi ogujja