Amawulire

Ababbye sente ku akawunti ya Banka bagombedwamu obwala

Bya Juliet Nalwooga,

Poliisi ekutte abantu 9 ku 12 abagambibwa okuba emabega w’okubba akakadde ka doola 1.8 okuva ku akawunti ya bbanka eya Nile Energy Company Limited.

Kigambibwa nti omusango guno gulimu abamu ku bakozi okuva mu matabi ga bbanka ya Stanbic ku Garden City ne Freedom City.

Bwabadde ayogerako eri bannamawulire ku kitebe kya poliisi e Naguru, omwogezi wa Poliisi Fred Enanga agambye nti abakwate bano bagguddewo ne akawunti endala 3 mwe bateerese ssente mu bukyamu.

Kati poliisi esabye aba banka ne bakasitoma okunyweza enkola z’okukuuma ssente bakasitoma ze batereka okwewala okuferebwa okuyita ku mikutu gya yintaneeti.