Bya Mike Sebalu. Omukugu mu minisitule ya Karamoja wansi wa Office ya Ssabaminista, Joshua Abaho, 46, kooti elwanyisa obukenuzi e Kololo ekkirizza yeyimilirwe kakalu kaayo.
Ono abadde alabiseeko enkya ya leero okuva mu komera e Luzira nga bweyalagirwa okuwulira okusaba kw’okweyimilirwa kwe.
Omulamuzi wa Court Ento Aciro Joan ono amulagidde okusasula ensimbi obukadde 8 obwobuliwo ate abamweyimiridde nebateeka emikono kakalu ka bukade bwensimbi 150 ezitali za buliwo.
Ono era alagiddwa okuwaayo passport ye n’ebyapa by’ettaka lye 2 era nalagirwa okudda mu kooti nga 1/06/2023.
Abaho avunanibwa wamu ne Minister w’ensonga z’e Karamoja Mary Goretti Kitutu ne mwanyina.
Oludda oluwaabi nga lukulembeddwamu Jonathan Muwaganya ku lwa offisi ya Ssabawaabi wa gavumenti, lusabye luwebwe sabiiti endala 3 nga lumalirizza okunoonyereza wabula omulamuzi nasalawo okubawa omweezi mulamba.
Abaho yaggurwako emisango 3 nga ebiri gya buli bwa nguzi ate omulala nga gwa kwekobaana.
