Amawulire

Abakulembeze mu EAC bakkiriza okuyamba Congo ku bayekera

Bya Rita Kemigisa,

Abamu ku bamemba mu mukago gwa East African Community bakkiriziganyiza okuteekawo eggye eryawamu okulwanagana nabayekera abali e DRCongo.

Bino byatukidwako mu lukungana lwa bakulembeze bannamukago olwatudde mu kibuga Nairobi.

Ensisinkano eno yetabiddwamu omuk weggwanga Museveni, owa DR Congo Felix Tshisekedi, owa Kenya Uhuru Kenyatta nowa Burundi Evariste Ndayishimiye.

Bano bateeseza ekikolwa ekyokuwereza eggye eryawamu e Congo kikolebwe bunambiro okusobola okulwanyisa abayekera abefunza ebitundu eby’obuvanjuba bweggwanga eryo.

Abakulembeze era bakkiriziganyiza nti obubiina bwa balwanyi bwonna obugwira obwayingira DRC okwekukumayo bugibweko ebissi ate bulagirwa okudda munsi zabwe.