Amawulire
Abalaalo 2 babasse nebababbako ente 100
Bya Juliet Nalwooga
Poliisi mu disitulikiti ye Lamwo etandise okunonyereza kungeri abalaalo 2 gyebatiddwamu.
Abagenzi kuliko Joseph Okello ngabadde wamyaka 48 ne Denis Oroma owemyaka 38 nga bombi babadde batuuze ku kyalo Oryang mu tawuni kanso ye Madiopei.
Bano babadde bagenze kulunda nte, ngoluvanyuma lwokubatta bababbyeko ente 100.
Ettemu lino lyabadde ku kyalo Lawiye Odung ngabatemu, kigambibwa nti babadde basaze kuva mu gwanga lya South Sudan.
Omwogezi wa poliisi mu kitundu David Ongom agambye nti amagye gegwanga aga UPDF okuva mu nkambi ye Banabana e Lamwo gatandise okubawondera.
Emirambo gyabalaalo gitwaliddwa mu gwanika lyeddwaliro lya Madiopei Health Center IV, nga nokunonyereza kutandise.