Amawulire

Abalokole bagenda kulonda abakulembeze

Bya Ivan Ssenabulya

Abasumba babalokole abegattira mu kibiina kya National Fellowship of Born Again Pentecostal Churches batandise ku ntekateka ezinagobererwa mu kulonda obukulembeze obuppya bwekibiina obugya.

Ekibiina kino nansangwa kigatta amakamisa emitwalo 3 okwetoloola egwanga lyonna.

Bano basinzidde Busega ku Bible League, nga bakulembeddwa akulira eby’okulonda Apostle Rogers Darlington Zziwa nebalangirira okulonda nga 15 mu mwezi gwa Sebutemba 2022 ku mutendera gw’amagombolola n’ebifo ebiddirira okuli district, province, region ate basembyeyo omutendera gw’eggwanga lyonna nga 16 March 2023.

Apostle Rogers Darlington Zziwa agambye nti betegefu okutambuza omulimu guno gugwe mu bwesimbu.

Ono alabudde abasumba okwewala okwesiga enziiro, naye betabe mu kuvuganya okwamazima.

Omwogezi w’akakiiko k’eby’okulonda Rev. Harriet Ssenfuka bano abalabudde ku ky’okutyoboola enkola ezatekebwawo, okutangira ssenyiga omukambwe.