Amawulire

Abasawo bawummuziddwa

Abasawo babiri bawumuziddwa  oluvanyuma lwokukikakasa nti ddala bano bezibika eddagala .

Dr Joseph Isanga omusawo mu ddwaliro ly’e Kabonga awumuziddwa oluvanyuma lw’okukikakasa nti yezibika eddagala eribalirirwamu obukadde bw’ensimbi 30.

Akulira akakiiko k’abasawo akakwasisa empisa , Dr Okello Ogwang agamba  Dr Isanga nga ono yasingisibwako n’omusango mu kooti ewozesa abakenuzi agobeddwa mbagirawo.

Alagiddwa okuzaayo layisinyi y’obusawo mu nnaku 7 zokka nga bwakyali mu kkomera okumalayo ekibonerezo kye eky’emyaaka 5 ekyamusalibwa.

Mungeri yeemu ye  Dr Kefah Obacwa , omusawo mu ddwaliro ly’e Kawolo ayimiriziddwa obutakola busawo okumala omwaaka mulamba lwakulongoosa mulwadde naafa mu 2011.

Obacwa yalongoosa  Joseph Elisa eyalina obuladde bwa Aneemiya nga kigambibwa nti yataganjula ebitundu by’omubiri eby’omunda ebyetabbu mu lubuto okukakana nga afudde.