Amawulire

Abatuuze becwacwanye nebazira omulambo

Abatuuze ku kyaalo Nakasagga-Kyebereka mu gombolola ye Kasambya Mubende bavudde mu mbeera nebazira omulambo gw’omutuuze oluvanyuma lwa mutabani we okumutwala n’afiira mu ssabo.

Omugenzi ategerekese nga Jackson Ssonko ow’emyka 50  ng’ono yalumbiddwa ekirwadde ekyawaliriza mutabani we omukulu Valence Nsaba okumutwala ew’omusamize okumuwa obujanjabi era ng’eno gy’afiiridde ekitabudde abatuuze.

Bano balumirizza omuvubuka ono obutabatwaala gyeyali atutte kitaawe kyokka n’abayita kukima mulambo ew’omusamize

Ssentebe w’ekyaalo kino Ponsiano Tumusiime ategezeza nga mutabani w’omugenzi Valence Nsaba bweyakola ekikolwa eky’obutemu okutwala kitaawe mu sabo kyokka ng’abadde abategeeza nga bweyamutwala mu ddwaliro kyokka kibaweddeko okumusanga mu ssabo kwekusalawo obutetaba mu lumbe.