Amawulire

Abavuganya bategese enkungaana mu kibuga

Ng’akakiiko ke by’okulonda kakyakugugubidde ku ky’okutegeka okulonda kwa Meeya omuggya, bannakisinde ekya For Go and Country( 4GC) bategese okukuba enkungaana mu kibuga kampala , balabule abantu ku kabi akakirimu.

Bano bagamba nti bagenda kutabaala ekibuga nga babangula abantu  nga mu kaseera kano baakutandikira katwe  ku lw’okusatu ssabbiiti eno , webanaava boolekere Wankulukuku lunaku olwa Sunday

Loodimeeya wa kampala  ssalongo Erias Lukwago akakasizza nti ekyokutegeka okulonda kimenya mateeka era kuba kuyisa lugaayu mu kkooti eyamuddiza offiisi ye   kale nga kino balina okukirwanyisa nga bayita mu bantu

Ono yoomu agamba nti baamaze okufuna olukusa lwa poliisi, kale nga tebasuubira kubataataganya.

Bino byonna nga bigenda mu maaso, bbo banna NRM beetegeka kwedizza kifo kino , era nga baakwetaba mu kamyufu akadde konna berondemu anabakwatira bendera .