Amawulire

Abbye bodaboda bamwokezza

E Lwengo waliwo omubbi wa pikipiki akubiddwa emizibu n’omulambo gwe negukumwako omuliro.

Bino bibadde wali ku kitoogo kye Dongwa  nga yye omulala yemuludde n’adduka oluvanyuma lw’okugezaako okutta omuvuzi wa Bodaboda Joseph Kiwanuka  bamubbeko pikipikiye UEB 168N.

Ababiri bano baatukiridde  Kiwanuka akolera ku siteegi ye  Ddegeya nebamusaba abatwaleko wabula olwatuuse mu kitoogo nebamwefulira n’alaya enduulu eyasombodde ababodaboda abalala abaakubye omu ku babbi  nebamwokya.

Omwogezi wa poliisi mu bitundu bino Noah Sserunjoji avumiridde ekikolwa ky’okutwalira amateeka mu ngalo wabula n’ategeeza nga bwebakyayigga omubbi omulala eyadduse.