Amawulire

Abe Kasokoso babali bubi

Ministry y’eby’ettaka erabudde abatuuze ku ttaka lino okugondera etteeka  okusinga okukozesa eryanyi olwenkaayana ezigenda maaso ku ttaka lino.

Ettaka lino eririko obwagagavu bwa yiika  292.7  lizze likayaanirwa abatuuze n’ekitongole kya National Housing corporation.

Minister omubeezi ow’ebyettaka  Sam Engola agamba ettaka lino abatuuze lyebakayanira lya kitongole kino ekya National Housing, wabula olw’okulwaawo okulikulakulanya , abantu bagenda balyesenzaako mpola mpola nga tebawereddwa lukusa okuva eri nanyini lyo.

Agamba ministry y’ebyettaka yakukolaganira wamu n’abekibiina kya  Uganda lands alliance okusomesa abantu bano ebikwatagana ku bwananyini obutuufu obw’ettaka lino okwewala okuyiwa omusaayi