Amawulire

Abe Kasokoso babigudde

Wabaluseewo olutalo oluggya ku ttaka lye Kasokoso kireka

Ettaka eryogerwaako liweza acre 292 nga lino aba National Housing bagamba lyaabwe kyokka nga n’abaliriko balumiriza nti lyaabwe

Ababaka ba palamenti abatuula ku bakiiko akakola ku by’obuzimbi olwaleero bakitegeddeko nti aba National housing ettaka baaligula okuva ku kkampunie manyiddwa nga Kireka Estates Ltd kyokka nga ababiri bano tebasinkano ekireseewo ekibuuzo engeri gyebategeraganamu ku ttaka lino

Omu ku babaka abatuula ku kakiiko kano Simon Peter Aleper  agamba nti bagaala kumanya nnanyini kkampuni ya Kireka Estates okutegeera engeri gyeyatandika okuteesamu ne National Housing

Abatuuze be Kasokoso balumiriza nti bino byonna National housing efumba bifumbe kwezza ttaka lyaabwe nga bagamba nti ne kkampuni ya Kireka Estates eyogerwaako ya kimpatiira