Amawulire

Abe Mityana babayimirizza okuziimba ku ttaka lya Buganda

Bya Barbra Nalweyiso

Ekitongole ekiddukanya ettaka lyobwakabaka bwa Buganda, Buganda Land Board balagidde abobuyinza ku munisipaali ye Mityana okuyimiriza omulimu gwokuzimba ekitebbe kyabwe, ku ttaka lya Buganda.

Bagambye nti tebagoberedde mitendera, egyetagisa okutuula ku ttaka lyobwakabaka.

Bagala bano basooke bazze obugya liizi yaabwe ku ttaka lino, ssi kumala gazimba nga tebabebuzizaako.

Okusinziira ku bbaluwa eyawandikiddwa Simon Kabogoza ssenkulu wa Buganda Land Board nga 28 June, 2021, ettaka eryogerwako lisangibwa Ssingo ku Block 148 era liizi yaabwe yagwako mu mwaka gwa 2017.

Wabula okusinziira ku meeya wa munisipaali ye Mityana, Faustin Mukambwe Lukonge baali ngabakulembeze batuula mu mwezi oguwedde nebasalwo emirimu guno gyiyimirire kubanga tebalina biwandiiko butuufu ebimala.