Amawulire

Abe Mulago balemereddwa okukkanya nebebabuliza omwana

Gavumenti eremereddwa okutuuka ku nzikiriziganya ne bazadde abaabulwako omu ku balongo baabwe mu ddwaliro ekkulu e Mulago.

Ssabawolereza wa gavumenti abadde asuubirwa okutegeeza kkooti ssente meka zebagenda okuliyirira abafumbo bano wabula tekisobose.

Omulamuzi wa kkooti enkulu  Lydia Mugamba katyi alagidde okuwulira omusango guno kutandike nga era maama w’omwana y’asoose okuwa obujulizi.

Abafumbo bano nga bayita mu kibiina ekirwanirira eddembe ly’obuntu ekya  Health Human Rights and Development baakuba eddwaliro ekkulu ery’ e Mulago mu mbuga z’amateeka lwa mwana waabwe kubula nebabategeeza nti y’afa wabula olwakebera mu nkola ye ndagabutonde emanyiddwa nda DNA nebakizuula nti omulambo ssi gwabwe.