Amawulire

Ab’embizzi bazzeemu okukwatibwa

Abavubuka abakwaatibwa n’embizzi ku palamenti bazzeemu okukwatibwa

Norman Tumuhimbise ne Robert Mayanja bakwatiddwa boogerako eri bannamawulire ku ofiisi z’ekibiina kya FDC mu kampala.

Akulira abavubuka mu FDC Francis Mwijuikye agamba nti ababiri bano babadde banyonyola bannamawulire lwaki baalumba palamenti

Wabula omwogezi wa poliisi kampala nemiriraano Patrick Onyango agamba nti bano bakwatiddwa oluvanyuma lw’okukitegeerako nti babadde bategese okwekalakaasa.

Onyango agamba nti bano bakutwalibwa mu kkooti bavunaanibwe emisango gy’okukuba olungaana olumenya amateeka

Ssabbiiti ewedde abavubuka bano baayimbulwa ku kakalu ka kkooti oluvanyuma lw’okuggulwako emisango gy’okusalimbira mu kifo ekikyaamu n’okuyingirira emirimu gya palamenti