Amawulire

Akakiiko k’eby’okulonda kalangiridde okujjuza ebifo mu district ey’e Bukedea

Bya Mike Sebalu. Akakiiko akavunanyizibwa ku by’okulonda aka Electoral Commission, kafulumizza enambika egenda okugobererwa okujjuza ebifo okuli ekya Sentebe wa district y’e Bukedea ne ba Kansala aba district eyo.

Ekifo kya setebe wa district eyo kyasigala kikalu oluvanyuma lw’eyali sentebe waayo okufa ate ng’ebifo ebilala ebya ba Kansala abaali abakiise babisuulawo.

Kati okusinziira ku kakiiko k’eby’okulonda, emnteekateeka eno yonna etandika 8/05/2023 okukoma nga 12/08/2023 n’okuzza obujja enkalala z’abalonzi ku miluka 152 okwetoloola district yonna.

Kati akakiiko kalonze olwa nga 12th May 2023 nga nsale sale eri omuntu yenna anateekamu okusaba kwokwewandiisa ng’omulonzi n’okukyusa ekifo walondera okudda ku kifo ekilala okwetoloola district.

Okusizniira ku Paul Bukenya ayogerera akakiiko k’eby’okulonda,, okuwandiisa n’okukyusa abalonzi okuva mu kifo ekimu okudda mu kilala mu district y’e Bukedea sikwakweyongera okusukka 12/05/2023.

Kwo okutimba enkalala z’abalonzi kwakukolebwa okumala ennaku 6 okutandika nga 17th May  okutuka nga 26th May,2023,  mu bifo byonna 180 ebilonderwamu okwetoloola district.