Amawulire

Akulira Cairo Bank ayitiddwa bukubirire

Kooti ewozesa abakenuzi efulumizza ekibaluwa ki bakuntumye eli akulira banaka ya Cairo International Bank  Mohamed Tarek oluvanyuma lwokulemererwa okweyanjula mu kooti okwewozaako ku misango gyokubulankaya ssente z’akasiimo eziri eyo mu buwumbi 165 n’abamu ku bakungu okuva mu ministry y’abakozi.

Munnamateekawe  Macdusman Kabega ategezezza kooti nga omuntu we bwatali mu ggwanga .

Ono avunanibwa n’eyali omuwandiisi w’emkalakalira mu ministry y’abakozi  Jimmy Lwamafa, Kiwanuka Kunsa, akulira eby’okunonyereza mu ggwanga, David Oluka n’abalala.

Bano bagulwako emisango okuli okufiiriza eggwanga ssente eziwera, obulabbayi, ssaako n’ekobane okufera.

Omulamuzi wa kooti ewozesa abakenuzi  Sarah Langa amuyise yeyanjule nga 6 May.