Amawulire

Atemye mukazi we

Poliisi ye  Kyanamuka mu disitulikiti ye  Masaka eriko omusajja ow’emyaka 32 gwekutte lwakulumba eyamusigulira omukyaala  n’amutematema.

Frank Kawooya 27 y’addusiddwa mu ddwaliro nga biwala ttaka oluvanyuma lwa Fred Kakooza okumulumba n’amutema embale ku mutwe n’emikono nga amulanga kumwagalira mukyalawe Monica Namutebi.

Kigambibwa nti  Namutebi y’asuulawo eddya n’agenda  ewa Kawooya ekyanyiiza Kakooza n’alumba amalemu eyamutwalira kabiitewe ejjoogo.

Okusinziira ku  omu ku batuuze ategerekese nga Maria Kadida Kwooya akubye enduulu ebasombodde okulaba ogubadde era bamusanze ataawa nebamuddusa mu ddwaliro .

Omwogezi wa poliisi mu bitundu bino  Noah Sserunjoji ategezezza nga bwebaakutte edda Kakooza ne kizibiti ky’ejambiya ejjudde omusaayi gyeyakozesezza okutema munne.