Amawulire

Babbye Ebirabo Mu Kanisa

Poliisi e Masaka eri ku muyiggo gw’ababbi abamenye e kanisa ya  St. John’s Church nebabba ebintu ebibalirwamu obukadde obusukka mu15.

 Okusinziira ku akulira e Kanisa eno   Rev. Canon Gaster Nsereko, ababbi bamenye  ofiisi ye ne babba kompyuta, emizindaalo gyebakozesa ku mikolo saako n’ebirabo ebiwebwayo  abasabira mu kanisa eno.

Adumira poliisi mu bitundu bino  Noah Sserunjoji agamba omukuumi w’ekifo kino yakwatiddwa dda okubayambako mu kunonyereza.

Buno bubbi bwakubiri ku masinzizo  mu kitundu omwaka guno ,nga obubbi obwasooka bwali ku Ekeleziya yabakatuliki e Naluvule nga eno ebirabo ebibalirwamu emitwalo 70 byebabibwa.