Amawulire

Bannakyeewa balambise byebagaala

Bannakyeewa ne bannabyabufuzi baliko endagaano gyebatuuseeko ku biki byebagaala bissimbibweeko essira ng’okulonda tekunnaba kutuuka

Muno mwemuli okusaba nti akakiiko akalondesa kasattululwe, okukendeeza omuwendo gw’ababaka mu palamenti, okutondawo akakiiko akeetongodde akanakola ku by’okulonda,okuzzaawo ekkomo ku bisanja n’okujja amaggye mu by’obufuzi

Mu ngeri yeemu abakulu abasisinkanye bonna bakkiriziganyizza nti pulezidenti ave mu ntebe  ng’okulonda kutuuse era abeere nga ssiye ssabaduumizi w’amaggye.

Akulira omukago gwa bannakyeewa Richard Sewakiryanga agamba nti ekiwandiiko kino mwebatadde ebirowoozo byaabwe bagenda kukikwasa sipiika wa palamenti ku bbalaza kikubaganyizibweeko ebirowoozo.