Amawulire

Bannayuganda 2 bakubiddwa amasasi kumpi n’ensalo ya South Sudan

Waliwo bannayuganda 2 abali mu mbeera embi oluvanyuma lw’okulumbibwa bamukwata mundu ku luguudo oluva e Mori okudda Adru kumpi n’ekibuga ky’e Nimule mu ggwanga lya South Sudan.

Emmotoka 5 zalumbiddwa nga era bano baabadde bava kutwala mmere ku ofiisi z’ekitongole ky’ekibiina ky’amawanga amagatte ekikola ku by’emmere.

Omu ku badereeva  Ronald Tamale y’akubiddwa essasi mu kisambi nga era n’addusiddwa mu ddwaliro ly’e Nimule sso nga yye  Isaac Kazungu naye ali mu mbeera mbi.

Omwogezi wa poliisi mu bitundu bya Aswa  Jimmy Patrick Okema ategezezza nga bwebongedde okunyweza eby’okwerinda ku nsalo eyawula Uganda ne South Sudan era n’asaba n’abatuuze okusigala nga bali bulindaala.

Kino kijidde mu kiseera nga enkumi n’enkumi zabananasi b’eggwanga lya South Sudan bakyesogga eggwanga ku nsonga ezitanategeerekeka.