Amawulire

Basatu bafiiridde mu bubenje e Nkozi ne Bwaise

Omuntu omu y’afiridde mu kabenje akagudde ku nkulungo ye Bwaise.

Abalala babiri babuuse n’ebisago

Akabenje kano keetabiddwaamu motoka kika kya Saloon namba UAS 062 T  egezezzaako okuyisa kiroole ky’amataffaali.

Ekimotoka kino kikoonye emmotoka ya Salon n’eva ku kkubo olwo n’ekuba akagulumu nga tennayingirira batambuze babiri n’ettako omu mbagirawo.

Omugenzi ategerekese nga Nakato Najjemba ate ng’akoseddwa tategerekese mannya

Mu ngeri yeemu, abantu babiri bafiiridde mu kabenje akagudde e Nkozi ku luguudo oludda e Masaka.

Emmotoka ekika kya Double cabin ekonaganye n’ekimotoka ekibadde kitikka omusenyu babiri nebafiirawo.

Emotoka ekoonye ebadde ya minisitule akola ku nsonga z’abakozi number UG 0078L nga eno ebaddemu abantu 4 , babiri nebafiirawo.

Abafudde kuliko Adam Muguluma  n’omulala ategerekeseeko erya Kiconco.