Amawulire

Buganda esabye Gavt okuteereza obusenze bwabwe ku ttaka lya buganda

Bya Prossy Kisakye,

Obwakabaka bwa Buganda busabye gavumenti eyawakati okutongoza obuseenze bwabwe ku ttaka lya Buganda.

Bino byogeddwa katikiro wa Buganda, Charles Peter Mayiga bino abyogedde asisinkanyemu minisita owa gavt ezebitundu Raphael Magyezi agenyiwaddeko embuga olunaku lwaleero.

Mayiga agambye nti ebitongole bya gavt bingi bikakalabiza emirimu gyabwe ku ttaka lyobwakabaka mu bukyamu.

Asabye kino kiterezebwe okuyita mu kufuna liisi, okupangisa oba okugulira ddala ettaka lino oba okulyamukka.

Mu kumwanukula minisita Magyezi agambye nti bakutondawo akakiiko ka bakugu okwetegereza endagano ssabasajja gyeyakola nomukulembeze weggwanga mu 2013 balabe butya bwebateereza ebyasoba.