Amawulire

Ebigezo by’abasiraamu bifulumye

Entendekero lya Islamic University in Uganda lifulumiza ebyava mu migezo bya s.4 ne s. 6 eby’eddini.

Abaana 412 beebatuula ebigezo bya s.4  okuva mu masomero 38 ate abayizi 107 bebatuula ebigezo bya s.6 okuva mu masomero 14.

Abaana 34 beebafunye eddaala erisooka mu s.4 nga 128 bagudde ebigezo.

Amasomero omuli Emirates High school,Bilal Islamic school, Bugembe Islamic school n’amalala geegasinze okukola obulungi.

Bw’abadde afulumye ebigezo,akulira entendekero lya IUIU Dr. Ahmed Kaweesa Ssengendo asabye abasiraamu okwongera okusomesa abaana abawala, nabo basobole okubeera n’ebiseera by’omumaaso ebitanganvu.

Dr. Kaweesa era asabye abasiramu okukomya okunenengana mu bintu ebitali naddala ebyobugaga wabula beegatte.