Amawulire

Eddwaliro Ly’e Kilembe Ligaddwa lwa Mataba

Eddwaliro ly’ekilembe mu district ye Kasese ligaddwa oluvanyuma lw’omugga Nyamwamba okuddamu okubooga amazzi neganjala  mu busenge bw’abalwadde.

Abalwadde abasinga bekakabye nebava mu ddwaliro lino okuwona okutwalibwa amazzi gano nga ababadde  obubi bayambiddwako abakulira district okubatwala ku lukalu.

Abasinze okukosebwa be banakawere n’abakyala abembuto

Agavayo era gooleka nga omuntu omu bwatwaliddwa amataba bweyabadde ali mu nimiro ye nga alima.

Byo ebyentambula byonna bigotaanye oluvanyuma lw’omugga omulala oguyitibwa  Nyamugasani nagwo okubooga amazzi negasanyawo olutindo olw’ekiseera olubadde lwakazimbibwa  olw’e  Busasa Kyaruma.

Kati abatuuze abasinga badukidde mu nsonzi okujira nga bewogomako eyo