Amawulire

Enkyukakyuuka mu poliisi- Ssenkumbi agenze Mbarara- Nabakooba akuziddwa

Akulira poliisi Gen Kale Kaihura akoze enkyuukakyuuka mu basajja be.

Abadde omwogezi wa poliisi Judith Nabakooba akuziddwa nga kati y’amyuka akola ku byobufuzi mu poliisi.

Kati omwogezi wa poliisi ye Fred Enanga n’amyukibwa Polly Namaye okuva e Mbarara.

Patrick Onyango kati ye mwogezi wa poliisi mu kampala n’emiriraano ate Ibin SSenkumbi abadde mu kifo kino kati ye mwogezi wa poliisi e Mbarara.

Fred Enanga y’abadde akulira poliisi ekuuma ettaka nga kati ekifo kye kizzeemu Julius Twinomujuni.

Gen Kaihura agamba nti enkyuukakyuuka zitandikiddewo okukola.