Amawulire

Entalo z’abasiraamu zittuse- okusaba kubizadde

Abakulembeze b’abayisiraamu mu ggwanga balangiridde okusaba okwa wamu okugendereddwaamu okusaba nti wabeewo obumu

Omwogezi w’ekitebe ekikulu eky’obuyisiraamu Hajji Nsereko Mutumba agamba nti okusaba kuno kwakubaawo ku lw’okutaano luno ku kampala mukadde.

Mutumba agambye nti abayisiraamu bonna baanirizibwa okwetaba mu kusaba kuno okugenda okutambulira wamu ne juma.

Bano nno babadde balangirira bati nga ne Supreme Mufti Sheikh Zubair Kayongo yesamba okusaba kuno

Supreme Mufti agambye nti abategese okusaba kuno nabo baliko enziro era nga ssi batuufu kwogera ku bumu.

Omwogezi we Kibuli, Sheikh Hassan Kirya nga naye ayogera asabye abakulembeze ba kampala mukadde okuzuula kiki ekivaako okweyawula nga tennapapa kusaba

Sheikh Kirya agambye nti okusaba kuno kwolese okukosa kawefube gwebaliko ne pulezidenti Msueveni okuzzaawo obumu mu basiraamu

Abe Kibuli era basabye aba kampala mukadde okwetondera abasiraamu olw’okuttattana ebintu by’obusiraamu .