Amawulire

Fagil Mande agobwe- kaliisoliiso

Endoolito mu kitongole ky’ebyebigezo mu ggwanga ssi za kuggwa kati.

Kati Kaliisoliiso wa gavumenti afulumizza alipoota nga esaba omukulembeze w’eggwanga asazeemu endagaano ya Ssentebe w’ekitongole kino Fagil Mandy.

Mukyala Irene Mulyagonja alipoota agisindikiddeko ministry y’ebyenjigiriza ng’alumiriza Mandy okweyisa mu ngeri etasaana, obutakola bulungi mirimu gye, saako n’obutakolagana na bakulu banne, saako n’okweyingiza mu mirimu gyaabwe.

Kaliisoliiso era awadde amagezi eby’okulonda ssabawandiisi w’ekitongole kino byonna bisazibweemu oluvanyuma lw’abamu ku baali besimbyewo okwemulugunya ku ngeri gyekwakwatibwamu.

Mandy yalondebwa ku kifo ky’obwa ssentebe bwa UNEB nga  7th-Feb-2012 nga yeyadda mu kifo kya  Kakensa Lutalo Bbosa .